'Yan Sanda Sun Kama Sheikh Idris Abdul'Aziz Sun Kaishi Kotu Yanzu Haka Yina Gidan Kurkuku Dalilin Da Tasa Aka Kamashi Wata kotun Majistare a Bauchi ta ba da umarnin tsare wani fitaccen malamin addinin Musulunci na jihar, Sheikh Idris Abdul'aziz Dutsen Tanshi a gidan yari.
Rundunar 'yan sandan jihar ce ta gurfanar da malamin mai janyo ka-ce-na-ce a gaban kotu ranar Litinin, bayan ta gayyace shi game da wani ฦorafi da aka shigar gabanta.
Matakin na zuwa ne sama da wata ษaya bayan Hukumar Shari’ar Musulunci ta jihar Bauchi ta ษage wani zaman tattaunawa da ta shirya da Sheikh Idris Abdul’aziz, wanda aka yi zargin ya furta wasu miyagun kalamai a kan Annabi Muhammadu.
Sai dai malamin da wasu masu goyon bayansa sun musanta zargin, suna cewa kalaman Sheikh Idris Dutsen Tanshi, ba munana lafazi ba ne ga Fiyayyen Halitta.
Lamarin ya janyo muhawara mai zafi da ka-ce-na-ce har a tsakanin malaman addinin Musulunci da ke arewacin Najeriya, inda wasu suka fara kiraye-kirayen lallai hukumomi su ษauki mataki.
Lauyan malamin Barista Umar Hassan ya tabbatar da cewa an tsare Sheikh Idris Abdul'aziz, bayan sun nemi a bayar da belin sa, kuma kotu ta sanya Talata a matsayin ranar da za ta ba da hukunci a kan wannan buฦata. Tataccen Labari Daga BBC Hausa